Open.by u 2001 hodzie
«Pieršy biełaruski internet-partał vykanaŭ svaju misiju i sychodzić u historyju», — piša administracyja ŭ raźvitalnym liście.
Pad kaniec 90-ch ŭ bajnecie źjaviŭsia pieršy katałoh sajtaŭ 09.open.by, a za im u 1999-m i paŭnavartasny infarmacyjny partał Open.by. Dziakujučy jamu zatym źjavilisia Rabota.by, Shop.by i Domain.by, pošta Mail.by, sistema elektronnych hrošaŭ EasyPay dy inšyja siervisia.
«My staralisia być karysnymi i raskryć mahčymaści Internetu ŭ maksimalna dastupnym dla vas vyhladzie. Ličym, što heta nam udałosia», — kažuć na raźvitańnie stvaralniki Open.by.
Taksama ŭ 1999 hodzie ŭ biełnecie źjavilisia pašukavik i ličylnik Akavita.by, internet-mahazin Oz.by, cenavy partał Kosht.com i baniernaja sietka ByBanner.Net. U 2000 hodzie ŭ partała źjaviŭsia mocny kankurent — Tut.by, jaki na siońnia źjaŭlajecca samym papularnym biełaruskim sajtam.
Pošta pa adrasach Mail.by i Open.by praciahnie pracu ŭ štatnym režymie. Aznajomicca z archiŭnymi viersijami Open.by možna na siervisie Internet Archive.
