U Minsku ŭ bojcy zabity 18-hadovy chłopiec. Abstaviny kanfliktu vyśviatlaje Partyzanski RASK Minska, paviedamlaje BIEŁTA sa spasyłkaj na aficyjny sajt Śledčaha kamiteta Biełarusi.
Śledča-apieratyŭnaja hrupa na miescy zdareńnia 24 śniežnia ŭstanaviła, što kala 22.00 pablizu doma 5 pa bulvary Traktarabudaŭnikoŭ adbyŭsia kanflikt pamiž hrupaj moładzi i dvuma mužčynami 1972 i 1964 hadoŭ naradžeńnia. Padčas svarki maładomu čałavieku 1996 naradžeńnia naniesienaje pranikalnaje nažavoje ranieńnie. Chłopiec skanaŭ da prybyćcia bryhady chutkaj miedycynskaj dapamohi, reanimacyjnyja mierapryjemstvy vynikaŭ nie dali.
Pa fakcie zabojstva maładoha čałavieka zaviedzienaja kryminalnaja sprava. Adzin z mužčyn zatrymany ŭ jakaści padazravanaha. Vyśviatlajucca abstaviny taho, što adbyłosia.
Śledčyja źviartajucca z prośbaj da hramadzian, jakija źjaŭlajucca vidavočcami padziej abo vałodajuć inšaj značnaj pa spravie infarmacyjaj, źviarnucca ŭ Partyzanski (h.Minska) RASK asabista pa adrasie: zavułak Stachanaŭski, 5 abo pa nastupnych telefonach: (017) 230-81-45, (017) 230-80-22, a taksama pa telefonach dziažurnaj častcy Partyzanskaha RUUS (017) 230-34-34 i dziažurnaj častki USK pa h.Minsku (017) 395-75-67.
