Amierykanskija suchaputnyja vojski dali brytanskaj karparacyi BAE Systems kantrakt na raspracoŭku Braniravanaj šmatmetavaj mašyny (Armored Multi-Purpose Vehicle — AMPV), paviedamiŭ sajt defensenews.com.
Na pieršapačatkovaj stadyi kampanija atrymaje $382 młn na stvareńnie 5 varyjantaŭ bajavoj mašyny piachoty, paśla čaho Pentahon moža zaklučyć kantrakt na zamienu ŭsich 2897 sastarełych branietransparcioraŭ M113, jakija jašče zastajucca na ŭzbrajeńni.
Hetymi varyjantami buduć: kłasičny BTR, mašyna dla evakuacyi z pola boja, mašyna-mabilny braniravany miedyčny punkt, mabilny minamiotny transparcior, mabilny kamandny punkt.
«Siamiejstva AMPV likviduje važnyja niedachopy sučasnych Bryhadnych branietankavych bajavych hrupaŭ ŭ sferach abaronienaści, zdolnaści vyžyvać i mabilnaści», — adznačyŭ bryhadny hienierał Devid Besiet, kiraŭnik prahram raspracoŭki naziemnych bajavych sistem.
AMPV taksama budzie mieć tuju ž stupień mabilnaści, što tanki M1 Abrams i bajavymi mašyny piachoty M2/M3 Bradley. Heta było słabym miescam M113, jakija u vyniku zatrymlivali ruch branietankavych kałonaŭ.
Adnačasova AMPV budzie mieć značna bolš vysokuju stupień abarony ad varožaha ahniu i min.
