Kolkaść uviezienych u Biełaruś lehkavych aŭtamabilaŭ u studzieni-listapadzie 2007 hoda skłała 166,2 tys. koštam $985,7 młn. Heta amal u 1,2 raza bolš u paraŭnańni z anałahičnym pieryjadam 2006 hoda, paviedamili karespandentu BIEŁTA u pres-słužbie Dziaržaŭnaha mytnaha kamiteta.
Bolšaść aŭtamabilaŭ była ŭvieziena z Hiermanii, Francyi, Rasii i Japonii.
Impart za 11 miesiacaŭ 2006 hoda składaŭ 142,7 tys. aŭtamabilaŭ na sumu bolš jak $718,9 młn.
U Biełaruś u studzieni-listapadzie 2007 hoda było ŭvieziena taksama amal u 1,5 raza bolš sotavych telefonaŭ u paraŭnańni z anałahičnym pieryjadam 2006 hoda. Za adzinaccać miesiacaŭ impart skłaŭ bolš za 363,4 tys. štuk na sumu $35,4 młn. Za anałahičny pieryjad 2006 hoda impartavana 215,1 tys. telefonaŭ na sumu $24 młn.
"Takoje pavieličeńnie ŭ mnohim źviazana ź mierami, što prymajucca mytnym viedamstvam respubliki pa lehalizacyi hetaha biźniesu", - adznačyli śpiecyjalisty DMK. Najbolšaja kolkaść mabilnych telefonaŭ była ŭvieziena ź Vienhryi - 129,9 tys. štuk, Karei - 103,5 tys. štuk i Kitaja - 96,8 tys. štuk.
