Zhodna z raźlikami Ministerstva pracy i sacyjalnaj abarony Biełarusi, adkłaŭšy vychad na piensiju na dva hady, jaje pamier možna budzie pavialičyć jašče napałovu. Pra heta zajaviła načalnik upraŭleńnia piensijonnaha zabieśpiačeńnia i sacyjalnaha strachavańnia Minpracy Valancina Karalova 4 studzienia na pres-kanfierencyi ŭ Minsku.
Pavodle jaje słoŭ, siońnia piensijonny ŭzrost u Biełarusi nizki, i jaho pavyšeńnie pakul nie płanujecca. Ale kali čałaviek nie źviartajecca za piensijaj va ŭstanoŭlenyja 55—60 hadoŭ i praciahvaje pracavać, to ŭ adpaviednaści z zakanadaŭstvam jaje pamier potym pavialičycca. "Pakul ludzi hetym nie karystajucca, — skazała V.Karalova. — Usie starajucca jak maha raniej pajści na piensiju".
Śpiecyjalist Minpracy ličyć, što pavysić dachod u staraści možna budzie, zaklučyŭšy dahavor dadatkovaha piensijonnaha strachavańnia, što, adnak, pakul taksama nie zapatrabavana ŭ našym hramadstvie.
