Z hetkim «padarunkam» pryjšoŭ u hości da susieda žychar adnoj ź biełaruskich viosak.
Na dvary byŭ poŭdzień druhoha dnia novaha 2008 hodu. Žychar vioski Litvinavičy
Karmianskaha rajonu pakłaŭ u zvyčajny miech ad bulby supraćtankavy hranatamiot i pašybavaŭ u hości da siabruka. Siabry vypili, zakusili j vyrašyli razabracca ŭ pryncypie dziejańnia śmiarotnaje zbroi: adno nieaściarožnaje naciskańnie na kurok, i mahutny vybuch pačuła ŭsia vakolica.
Pakul daktary ratavali žyćcio niebarakam, supracoŭniki MNS ratavali viosku ad pažaru. Ahniu dali rady chutka, a na miescy ŭzharańnia znajšli supraćtankavy hranatamiot RPH-18, albo pa‑prostamu «Mucha».
Ciapier supracoŭniki milicyi razam z Kamitetam dziaržbiaśpieki vyśviatlajuć, jak hranatamiot apynuŭsia ŭ litvinaŭcaŭ. Pavodle niaspraŭdžanych źviestak, zbroju paciarpieły pryvioz niekalki hadoŭ tamu z Rasiei. Ci słušnaja hetaja versija, stanie viadoma paśla taho, jak praaperavany mužčyna ačuniaje. A pakul u dačynieńni da jaho ŭsčataja kryminalnaja sprava. Za niezakonnyja dziejańni z bojeprypasami «hranatamiotčyku» pahražaje da 7‑mi hadoŭ pazbaŭleńnia voli.
