 |
Rali‑rejd «Lisabon‑Dakar», u jakim musiŭ byŭ uziać udzieł biełaruski ekipaž, nie adubdziecca. Arhanizatary honki pryniali rašeńnie pra admienu jubilejnaha, 30 pa liku marafonu ź mierkavańniaŭ biaśpieki napiaredadni startu ŭ Partuhalii, jaki mieŭsia być 5 studzienia. Pryčynaj stałasia zabojstva čatyroch francuzaŭ u Maŭrytanii
.
24 śniežnia na ŭschodzie hetaj krainy byli zastreleny čaćviora francuskich turystaŭ, siarod jakich byli dva dziciaci. U źviazku z hetym aficyjny pradstaŭnik francuskaha ŭradu Łaran Vakje nastojliva rekamendavaŭ svaim suhramadzianam nie naviedvać Maŭrytaniju, cieraz terytoryju jakoj prachodzić rali «Dakar‑2008».
Akramia trahičnaj hibieli turystaŭ pajści na taki krok vymusili taksama surjoznyja aściarohi ŭčynieńnia teraktaŭ z boku Al‑Kaidy.
Biełaruś na marafonie mielisia pradstaŭlać pilot Siarhiej Škiel i šturman Alaksandar Taranienka. Planavałasia, što našy suajčyńniki buduć spaborničać na aŭtamabili «Tajota FG».
