Alaksandr Łukašenka vyzvaliŭ ad abaviazkaŭ čatyroch pasłoŭ, u tym liku byłoha staršyniu KDB Uładzimira Mackieviča.
Ukazami prezidenta ad 3 studzienia vyzvalenyja ad abaviazkaŭ čatyry biełaruskija pasły: Uładzimir Karaloŭ (pasoł u Šviejcaryi i pry Śviatym prastole pa sumiaščalnictvie), Vadzim Łazierka (pasoł u Arhiencinie, a taksama pa sumiaščalnictvie ŭ Čyli i Uruhvai), Nina Mazaj (pasoł u Kanadzie) i Uładzimir Mackievič (pasoł u Juhasłavii i pa sumiaščalnictvie ŭ Bośnii i Hiercahavinie ). Pra heta paviedamiŭ Nacyjanalny pravavy interniet-partał.
U. Karaloŭ byŭ pryznačany pasłom u Šviejcaryi 29 žniŭnia 2000 hoda, pry Śviatym Pasadzie — 18 lutaha 2002 hoda; V. Łazierka pasłom u Arhiencinie — 6 kastryčnika 1999 hoda, u Čyli i Uruhvai — 24 studzienia 2000 hoda; N. Mazaj pasłom u Kanadzie — 8 maja 2001 hoda; U.Mackievič pasłom u Juhasłavii — 13 lipienia 2001 hoda, u Bośnii i Hiercahavinie — 4 lipienia 2002 hoda. Sa śniežnia 1995-ha pa listapad 2000 hoda U.Mackievič uznačalvaŭ KDB Biełarusi.
