5 studzienia adbyŭsia paŭtorny sud nad aktyvistam z Salihorska Uładzimiram Lemiešam. Sudździa Prakapovič nie pryniała dokazy milicyjantaŭ, što małady čałaviek łajaŭsia na vulicy. I admianiła štraf.
Uładzimira Lemieša zatrymali ludzi ŭ cyvilnym ŭ vieraśni, kali jon vyjšaŭ u kramu. Abvinavacili ŭ tym, što łajaŭsia. Vychadnyja jon pravioŭ u izalatary. A paśla sudździa Siarhiej Samujlik pryznaŭ chłopca vinavatym i aštrafavaŭ na dźvie bazavyja (300 tysiač rubloŭ). Lemieš padaŭ skarhu, i Minski abłasny sud admianiŭ rašeńnie. A spravu adpraviŭ na novy razhlad.
Pa słovach Uładzimira, štraf jon paśpieŭ apłacić. Ciapier maje namier damahacca kampiensacyi za sutki, praviedzienyja ŭ izalatary.
0
0
0
0
0
0