7 hadoŭ pazbaŭleńnia voli — taki prysud vynies 6 studzienia sud Maskoŭskaha rajona vinavatamu ŭ najeździe na prypynak u staličnym mikrarajonie Malinaŭka. Trahiedyja adbyłasia kala 17.00 19 vieraśnia 2014 hoda na staličnaj vulicy Jasienina ŭ rajonie doma №38.
Kiroŭca BMW, vyjazdžajučy z dvara doma №35, nie spraviŭsia z kiravańniem, vyviarnuŭ na sustrečnuju pałasu, hazanuŭ i vylecieŭ na prypynak, dzie ŭ toj momant stajali dva piešachody: 61-hadovaja žančyna zahinuła na miescy, 67-hadovy mužčyna paźniej pamior u balnicy.
22-hadovy kiroŭca byŭ pazbaŭleny pravoŭ za «pjanku» u 2011 hodzie, 24 červienia 2014 jon viarnuŭ paśviedčańnie kiroŭcy, a praz 4 dni znoŭ byŭ zatrymany pjanym za rulom i znoŭ pazbaŭleny pravoŭ. U hety raz mužčyna znoŭ znachodziŭsia ŭ stanie ałkaholnaha apjanieńnia, miedahlad pakazaŭ 1,72 pramile ałkaholu. Jak tłumačyŭ na sudzie abvinavačvany, pierad zdareńniem jon vypiŭ 3,5 ł piva.
Mužčyna byŭ zatrymany, a paźniej — aryštavany. Uvieś čas da sudu jon pravioŭ pad vartaj.
22-hadovaha kiroŭcu abvinavačvali ŭ ździajśnieńni złačynstvaŭ, praduhledžanych č. 5 art. 317 KK: «Parušeńnie PDR, ździejśnienaje asobaj u stanie ałkaholnaha apjanieńnia, što paciahnuła pa nieaściarožnaści śmierć dźviuch asob», a taksama č.1 art.317 zaŭv KK «Kiravańnie ŭ stanie ałkaholnaha apjanieńnia paŭtorna na praciahu hoda». Sankcyi artykułaŭ praduhledžvajuć pakarańnie ŭ vyhladzie pazbaŭleńnia voli na termin da 10 i 2 hadoŭ adpaviedna.
U sudovym pracesie dziaržabvinavaŭca prasiŭ pryznać 22-hadovaha mužčynu vinavatym u ździajśnieńni dadzienych złačynstvaŭ i pryznačyć jamu pakarańnie ŭ vyhladzie 8 hadoŭ pazbaŭleńnia voli ŭ kałonii ahulnaha režymu — pa sukupnaści. Rašeńnie suda było bolš miakkim — 7 hadoŭ kałonii pa sukupnaści pakarańniaŭ.
Na sudzie abvinavačvany padaŭ daviedku ab tym, što jaho žonka znachodzicca na 26-j tydni ciažarnaści.
Paciarpiełyja — dačka i ŭnuki zahinułaha mužčyny — prasili sud vyznačyć kampiensacyju maralnaj škody ŭ pamiery 200 (dačce) i 150 (kožnamu z dvaich unukaŭ) młn rubloŭ i ŭskłaści abaviazak pa vypłacie na farmalnaha ŭłaśnika BMW, jaki «pradaŭ» aŭtamabil mužčynu pa davieranaści, a taksama niepasredna abvinavačanaha. Sud pryznačyŭ 100 i 75 młn adpaviedna — i vyrašyŭ, što vypłačvać ich budzie 50-hadovy ŭłaśnik, a nie 22-hadovy kiroŭca. Heta rašeńnie budzie abskardžana bokam ułaśnika.
Inšyja paciarpiełyja — svajaki zahinułaj žančyny — patrabavańniaŭ ab kampiensacyi maralnaj škody nie zajaŭlali.
BMW kanfiskavany.
