 Aleś Zarembiuk |
Aktyvist niezarehistravanaha ruchu «Za Svabodu» Aleś Zarembiuk akazaŭsia vinien dziaržavie bolš za paŭmiljona rubloŭ. Pra heta jon vypadkova daviedaŭsia dniami.
Spadar Aleś atrymaŭ pastanovu sudździ Mastoŭskaha rajonnaha suda Haradzienskaj vobłaści A. Boćki pra toje, što jon pakarany štrafam u pamiery 15 bazavych vieličyń pavodle č.1 artykuła 23.24 Administracyjnaha kodeksu Respubliki Biełaruś «za parušeńnie ustanoŭlenaha paradku praviadzieńnia schodaŭ». Aktyvista abvinavacili ŭ arhanizacyi sustrečy Alaksandra Milinkieviča z žycharami horada Masty
.
Sudździa vyrašała pravieści słuchańni pa spravie Alesia Zarambiuka ŭ jahonuju adsutnaść. Jana matyvavała svajo rašeńnie tym, što abvinavačany uchilajecca ad jaŭki i niama nijakaj mahčymaści ažyćciavić jahony prymusovy pryvod. Zajava sudździ ździviła spadara Alesia.
— Ja nikudy nie chavaŭsia i ni ad čaho nie ŭchilaŭsia. Paviestki ŭ sud mnie nichto nie prynosiŭ. Tamu takaja pazicyja sudździ mnie nie zrazumiełaja, — kaža Aleś Zarembiuk.
U jakaści śviedak vystupali milicejskija rabotniki.
Aleś Zarambiuk planuje abskardžvać hetaje rašeńnie ŭ Haradzienskim abłasnym sudzie.
