Siarhiej Rutenka, fota Siarhieja Hudzilina
— Zaraz u Minsku jość chłopcy, jakija pišuć mahutnyja matyvirovačnyja chity. Nie čuŭ časam «Naša voźmie» ad «Brutto»?
— Čuŭ, i mnie spadabałasia. Dumaju, kali takoje pastavić u raspranalni pierad hulnioj, to heta dało b bajavy zarad.
— A toje, što śpiavajuć pa-biełarusku?
- Heta narmalna. Ja lublu radzimu, Minsk. Na žal, nie razmaŭlaju na biełaruskaj movie. U škole vučyŭ, ale kolki razoŭ na tydzień byli tyja zaniatki? Na vulicy nichto pa-biełarusku nie razmaŭlaŭ, dy i baćki ŭ mianie nie adsiul rodam. Tamu i zvyčki da movy mnie nie pryščapili.
Choć mnie padabajecca, kali ludzi hamoniać na rodnaj movie, lublu jaje słuchać. Ale ŭsio treba rabić akuratna. Časam i tut addaje pakazuchaj — nie viedaju, adčuvajecie vy ci nie. Mnie nie pa dušy, kali asobnyja ludzi bravirujuć hetym. Ale ja, biezumoŭna, za biełaruskuju movu i nacyjanalnyja simvały.
— Adnak, pryznajsia, ty ździviŭsia b, kali b chto-niebudź z tvaich partnioraŭ pa zbornaj raptam zahavaryŭ pa-biełarusku.
- Ščyra kažučy, tak. Mnohich chłopcaŭ viedaju daŭno. Kali čałaviek, uvieś čas kantaktujučy na ruskaj, raptam piarojdzie na rodnuju movu, to, biezumoŭna, heta vykliča rezanans. Ale ja tolki «za», - skazaŭ Rutenka.
***
Nahadajem, što praz tydzień, 15 studzienia, u Katary startuje čempijanat śvietu pa handbole. Zbornaja Biełarusi hulaje ŭ adnoj hrupie ź Ispanijaj (matč — 16 studzienia), Słavienijaj (17 studzienia), Brazilijaj, Čyli i Kataram.
Hulni pakažuć u pramym efiry «Biełaruś-2» i «Biełaruś-5».
