Delfi.lv
Były kiraŭnik łatvijskaha MZS Janis Jurkans u intervju pieradačy «Biez kryŭd» na LTV7 zajaviŭ, što ličyć, što «Krym — naš», bo «krymčanie hetaha chacieli».
«Ja adnošusia da tych ludziej, jakija ličać: Krym — naš. Bo krymčanie hetaha chacieli», — zajaviŭ jon u pramym efiry na LTV7.
«Chto siońnia vykonvaje mižnarodnyja pravy? Pahladzicie na Irak. Jakija tam mižnarodnyja pravy? Uvajšli tudy biez sankcyi AAN. Nu jakija pravy? A Kosava?», — pytajecca jon.
Zrešty, na jaho dumku, łatvijcam nie varta bajacca rasijskaj ahresii: «Rasija nie moža ažyćciavić suprać nas ahresiju. Treba zanadta drenna viedać i razumieć Rasiju, kab tak dumać».
Jak piša LSM. Jurkans kaža, što ŭ savieckija hady jaho ličyli dysidentam, lbo nie byŭ ni pijanieram, ni kamsamolcam.
«Ja zastajusia dysidentam i ciapier … Ideały, za jakija my zmahalisia ŭ Narodnym froncie — źniaviečanyja. Bo tady my ni ŭ koha pašparta nie pytalisia, my ŭsim abiacali roŭnyja pravy. Nie išło havorki pra zakryćcio ruskich škoł. Nichto nie kazaŭ, što ruskim nie daduć hramadzianstva, što jany buduć ludźmi druhoha hatunku … Biez ruskich šlach adnaŭleńnia niezaležnaści Łatvii byŭ by inšym — i bolš doŭhim».
Uradženiec Dźvinščyny Jurkans (sapraŭdnaje proźvišča — Zacharevič) na vybarach u 7-j i 8-j Sojmy ŭznačalvaŭ pieradvybarčy śpis radykalna prarasijskaha abjadnańnia «ZaPČJeŁ — Za pravy čałavieka ŭ adzinaj Łatvii». U znak palityčnaj padtrymki jaho prymaŭ u Kramli Pucin.
