U niebie nad miescam zachopu zakładnika lotajuć viertaloty. Fota Rojterz.
U niebie lotajuć viertaloty, na darohach patruli. Dzieciam zahadana zastavacca ŭ škole, jakaja ŭziataja pad achovu. Tak siońnia vyhladaje nievialički haradok Damarten-an-Hael (Dammartin-en-Goele). Jon znachodzicca na paŭnočny ŭschod ad Paryža, la aeraporta Ruasi imia Šarla de Hola.
Jak paviedamiŭ pres-sakratar Ministerstva ŭnutranych spraŭ, palicyja amal peŭnaja, što dva terarysty znachodziacca tam u drukarni CDT, što ŭ pramysłovaj zonie haradka. Damarten-an-Hael raźmieščany ŭ departamiencie Siena i Marna.
Viadoma, što bandyty zachapili zakładnika. Jany ŭzbrojenyja hranatamiotami i aŭtamatami.
U rasstrele žurnalistaŭ «Šarli ebdo» padazrajuć bratoŭ Kuašy — 34-hadovaha i 32-hadovaha francuzaŭ ałžyrskaha pachodžańnia, što raniej vajavali na baku «Al-Kajdy» ŭ Iraku.
Adzin z bratoŭ u svoj čas adsiedzieŭ paŭtara hoda strohaha režymu za sprobu dałučycca da isłamisckaj hrupoŭki.
