Francuzski prezident Fransua Aland u svaim telezvarocie zaklikaŭ nacyju zachoŭvać pilnaść.
Jon adznačyŭ dobleść, advahu i efiektyŭnaść palicyi, jakaja pakłała kaniec, jak jon skazaŭ, dvum situacyjam z zakładnikami.
Francuzski prezident aficyjna paćvierdziŭ hibiel čaćviarych zakładnikaŭ u supiermarkiecie kašernych praduktaŭ na ŭschodzie Paryža. Złačyniec taksama byŭ zabity.
Pry šturmie drukarni na poŭnač ad Paryža dvoje padazravanych u nalocie na štotydniovik Charlie Hebdo taksama byli zabityja. Supracoŭnik drukarni, jaki chavaŭsia na pradpryjemstvie, zdoleŭ adtul vyrvacca.
***
Pačynajučy z 15:00 pa Hrynviču (18:00 pa Minsku) u prezidenckim pałacy ŭ Paryžy adbyvałasia ekstrannaja narada z udziełam Fransua Alanda, premjer-ministra Manuela Valsa i klučavych ministraŭ kabinieta.
Fota z «Tvitara» administracyi prezidenta @Elysee.
Chronika padziej u Francyi 9 studzienia:
Pad Paryžam trecija sutki šukajuć napadnikaŭ na redakcyju časopisa Charlie Hebdo
20 čałaviek paranienyja padčas pierastrełki siońnia pad Paryžam
Francuzski śpiecnaz atačyŭ 8-tysiačny haradok kala aeraporta Ruasi-Šarl-de-Hol
Złačyniec zachapiŭ zakładnikaŭ u Paryžy i patrabuje vyzvalić bratoŭ Kuašy
Zachopnik zakładnikaŭ u Paryžy pracavaŭ na zavodzie Coca-Cola i navat sustrakaŭsia ź Nikala Sarkazi
Francyja. Abodva šturmy pačalisia sinchronna. Złačyncy zabityja. Zakładniki vyzvalenyja
U Francyi znoŭ zachoplenyja zakładniki: hetym razam na poŭdni krainy
