Photo by: Neli Szymielewicz, WLL
Na hetym tydni ŭ Biełarusi čakajecca syroje, słotnaje i ciopłaje nie pa siezonie nadvorje.
Pra heta paviedamiŭ hidramietcentr.
Siaredniaja tempieratura pavietra čakajecca na 3-6 hradusaŭ, a pa poŭdni ŭ asobnyja dni na 8 hradusaŭ vyšejšaj za normu — jak u siaredzinie sakavika.
U aŭtorak zachavajecca paryvisty viecier, čakajecca hałalodzica. Terytoryja Biełarusi budzie znachodzicca pad upłyvam atmaśfiernych frantoŭ, jakija źmiaščajucca z Zachodniaj Jeŭropy. Nočču i ranicaj u šmatlikich rajonach, dniom miescami ŭzmacnieńnie vietru paryvami da 15—18 m/s. Časam apadki (mokry śnieh, doždž), nočču na ŭschodzie słabaja zavieja, słaby hałalod. U načnyja i ranišnija hadziny na bolšaj častcy terytoryi na darohach hałalodzica. Tempieratura pavietra nočču minus 5 — plus 2°S, na paŭnočnym uschodzie da minus 6—8°S, dniom plus 1—6°S.
U sieradu Atłantyka budzie vynosić u Biełaruś jašče ciaplejšyja pavietranyja masy, i tempieratura pavietra składzie nočču minus 2 — plus 5°S, dniom plus 1—6°S, pa poŭdni da plus 8°S. Miescami karotkačasovyja apadki, hałoŭnym čynam doždž. Nočču i ranicaj u asobnych rajonach tuman, słaby hałalod, na darohach hałalodzica. Dniom pa poŭnačy miescami ŭzmacnieńnie vietru paryvami da 15—20 m/s.
U čacvier stanie krychu chaładniej: tempieratura pavietra nočču minus 4 — plus 2°S, dniom minus 2 — plus 4°S.
Miescami projduć karotkačasovyja apadki (mokry śnieh, doždž). Nočču i ranicaj u asobnych rajonach tuman, słaby hałalod, na darohach hałalodzica.
U piatnicu pieravažna pa paŭnočna-zachodniaj pałovie apadki, hałoŭnym čynam doždž. Nočču i ranicaj u asobnych rajonach krainy słaby hałalod. Tempieratura pavietra nočču minus 5 — plus 2°S, dniom 0 — plus 6°S.
U vychadnyja dni nadvorje istotna nie źmienicca: na bolšaj častcy terytoryi apadki (mokry śnieh, doždž).
U asobnych rajonach tuman, słaby hałalod, na darohach hałalodzica. Tempieratura pavietra na praciahu sutak minus 3 — plus 3°S, pa poŭdni miescami da plus 5°S.
