Trochmiesiačnaja dziaŭčynka, mumifikavanaje cieła jakoj było znojdzienaje ŭ adnoj z kvater u Homieli, jak miarkujecca, była zadušanaja ŭ mai 2014 hoda bijałahičnymi baćkami.
Nahadajem, 13 studzienia ŭ adnoj z homielskich kvater było znojdzienaje mumifikavanaje cieła trochmiesiačnaj dziaŭčynki. Pavodle padazreńnia ŭ zabojstvie zatrymanyja jaje 31-hadovaja maci i 35-hadovy sužyciel — bijałahičnyja baćki zahinułaj. Pa fakcie śmierci raspačataja kryminalnaja sprava na padstavie artykuła «Zabojstva zaviedama małaletniaha».
Jak paviedamiła aficyjnaja pradstaŭnica Śledčaha kamiteta Biełarusi Julija Hančarova, pavodle papiaredniaj infarmacyi, dziaŭčynka była zadušanaja baćkami ŭ mai padčas svarki. Padazronaja naradziła piać dziaciej. Troje ź ich znachodziacca na ŭtrymańni babuli. Žančyna i jaje sužyciel badzialisia i ličylisia ŭ vyšuku jak źnikłyja bieź viestak.
U śniežni 2014 hoda žančyna naradziła dzicia i pakinuła jaho na leśvičnaj kletcy. Z metaj ustanaŭleńnia asoby maci dziciaci, kinutaha na leśvičnaj kletcy, pravaachoŭniki ŭvajšli ŭ kvateru i znajšli tam trup dziaŭčynki.
Viadziecca śledstva.
