Pradstaŭniki tak zvanych «DNR» i «ŁNR» paćvierdzili, što voźmuć udzieł u čarhovaj sustrečy kantaktnaj hrupy ŭ Minsku. Pieramovy nakont Danbasa płanujuć pravieści 16 studzienia [papiarednija byli 24 śniežnia — NN].
«Ja ŭžo ŭ darozie, jedu ŭ Minsk. Usio astatniaje — raźbiaremsia pa chodzie pieramovaŭ, — zajaviŭ pradstaŭnik «ŁNR» na pieramovach kantaktnaj hrupy pa ŭrehulavańni situacyi na Danbasie Uładzisłaŭ Dejnieha 15 studzienia.
Pradstaŭnik ad tak zvanaj «DNR» Dzianis Pušylin taksama paćvierdziŭ svoj udzieł u pieramovach i adznačyŭ, što vylataje ŭ Minsk u čaćvier.
Va ŭkrainskim MZS raniej 14 studzienia zajavili, što čarhovaja sustreča pa pytańni ŭrehulavańnia situacyi ŭ Danbasie moža adbycca ŭžo da kanca hetaha tydnia, ale što data dakładna jašče nie vyznačana.
