Ukrainskaja lotčyca Nadzieja Saŭčanka, jakaja znachodzicca ŭ maskoŭskim SIZA i haładaje ŭžo 36 dzion, suprać prymusovaha karmleńnia. Taki zvarot z saboj Saŭčanka budzie rasceńvać jak katavańni.
«Nadzieja zajaviła, što budzie rasceńvać prymusovaje karmleńnie jak katavańnie. Pryčym, jana śpiecyjalna skazała mnie, što parvie zond», — pra heta napisaŭ u Tvitary jaje advakat Mark Fiejhin.
Akramia taho, advakat adznačyŭ, što zaraz praviarajecca infarmacyja ŚMI pra toje, jaho padabaronnuju pieraviali ŭ špital «Matroskaja cišynia».
«Zaraz my praviarajem infarmacyju ab pieravodzie Nadziei ŭ balnicu «Matroskaja Cišynia». Kali heta tak (čamu my davieddajemsia sa ŚMI?), to heta vielmi drenna, — napisaŭ Fiejhin.
U kastryčniku Basmanny sud Maskvy padoŭžyŭ termin utrymańnia Saŭčanka da kanca terminu śledstva — da 13 lutaha 2015.
U Rasii Nadzieju, abranuju deputatam Viarchoŭnaj Rady ad partyi «Baćkaŭščyna», abvinavačvajuć u dačynieńni da zabojstva žurnalistaŭ padčas bajavych dziejańniaŭ na Danbasie. Lotčyca heta admaŭlaje i śćviardžaje, što jaje vykrali i niezakonna vyvieźli ŭ Rasiju.
