Kijeŭ prapanavaŭ padpisać hrafik implemientacyi Minskich damoŭlenaściej ad 13 listapada i zabiaśpiečyć spynieńnie ahniu ŭžo z 19 studzienia.
Ab heta havorycca ŭ zajavie MZS Ukrainy.
«Ukraina niaŭchilna prytrymlivajecca ŭsich punktaŭ Minskich pahadnieńniaŭ i patrabuje hetaha ad Rasii. 13 listapada pradstaŭniki Ukrainy i RF padpisali pracoŭny dakumient, jaki praduhledžvaŭ vyrazny hrafik implemientacyi pałažeńniaŭ Minskaha miemaranduma, u pryvatnaści, u častcy zabieśpiačeńnia dvuchbakovaha spynieńnia ahniu, advodu ciažkich uzbrajeńniaŭ i viartańnia na liniju raźmiežavańnia. Rasijskaja bok adklikaŭ svoj podpis z-pad hetaha dakumienta», — zajavili ŭ MZS,
«18 studzienia Ukraina čarhovy raz źviarnułasia da RF z prapanovaj padpisać hrafik implemientacyi Minskich damoŭlenaściej mienavita ŭ redakcyi ad 13 listapada i zabiaśpiečyć spynieńnie ahniu z 19 studzienia», - adznačyli ŭ viedamstvie.
«Pierakananyja, heta dazvolić nieadkładna spynić ahoń i zaścierahčy mirnaje nasielnictva rehijonu ad abstrełaŭ bajevikoŭ, čym jany zajmajucca čatyry apošnija miesiacy. Pačatak vykanańnia hetaha dakumienta stvoryć nieabchodnyja pieradumovy dla praviadzieńnia ŭ bližejšy čas kansultacyj Trochbakovaj kantaktnaj hrupy, sustrečy ministraŭ zamiežnych spraŭ Ukrainy, Francyi, Hiermanii i Rasii, a ŭ dalejšym — samitu kiraŭnikoŭ hetych dziaržaŭ i ŭradaŭ ŭ Astanie. Patrabujem, kab narešcie hety płan byŭ vykanany», — adznačyli ŭ MZS.
