Paviedamleńnie ab płanach Rady dyrektaraŭ rasijskaha kancerna razhledzieć pytańnie ab likvidacyi pradstaŭnictva «Hazprama» u Minsku vyklikała šyroki hramadski rezanans: u biełaruskaj stalicy kampanija finansuje budaŭnictva aŭtamabilnaj raźviazki kala svajho budučaha ofisa, minčanie zaniepakoilisia losam budoŭli.
«Pradstaŭnictva ŭ Minsku — heta paralelnaja struktura. My ź joj sutykajemsia tolki ŭ Naziralnaj radzie. Pradstaŭnictva hladzić za chodam vykanańnia abaviazacielstvaŭ daččynymi strukturami rasiejskaj kampanii», — patłumačyła ŭ intervju Sputnik krynica ŭ AAT «Hazprom transhaz Biełaruś», jakoje źjaŭlajecca stopracentnym daččynym pradpryjemstvam «Hazproma».
Pavodle jaho słoŭ, rašeńnie Rady dyrektaraŭ rasijskaha kancerna nie adabjecca na dziejnaści «Hazprom transhaz Biełaruś» i inšych płanach kampanii na terytoryi Biełarusi, u tym liku i na płanach pa budaŭnictvie ofisnaha budynka i aŭtamabilnaj raźviazki na praśpiekcie Niezaležnaści ŭ biełaruskaj stalicy.
Surazmoŭca vykazaŭ zdahadku, što rašeńnie ab likvidacyi minskaha pradstaŭnictva źviazana z administracyjnymi pracedurami i likvidacyjaj dublujučych struktur u sistemie «Hazproma».