Žanr: kamiedyja, drama
Režysior: Adry Dana
U rolach: Vanesa Paradzi, Izabel Adžani, Lecisija Kasta, Silvi Teściu, Maryna Chends, Žeraldzin Nakaš, Žuli Fierje.
Francyja, 116 chv.
Niekalki žyćciovych historych paryžskich pryhažuń (u biełaruskim prakacie film pierakłali jak «Pryhažuni ŭ Paryžy») siaredniaha ŭzrostu imkliva pieraplatajucca miž saboj. U kožnaj ź ich - svaja drama i svaje prablemy, kožnaja pakutliva šukaje vyjście (i znachodzić), pieraadolvajučy siabie i navakolnych ludziej.
U pošukach natchnieńnia francuzskaja aktrysa Adry Dana za dva tydni praviała niekalki dziesiatkaŭ intervju na temu «Što takoje žančyna XXI stahodździa».
Niekalki historyj z hetych hutarak trapili ŭ siužet filma — kamiedyju pra žančyn dla žančyn, jakuju mužnynam, napeŭna, lepš nie hladzieć uvohule. A kali hladzieć — tolki ŭ kampanii siabroŭki, jakaja patłumačyć žanočyja dzivactvy, jakija, adnak, majuć svaje pryčyny. Z asablivaj francuzskaja dalikatnaściu i abajalnaściu zakranutyja šmatlikija, ale zaŭždy aktualnyja temy: najaŭnać abo adsutnaść seksu i ekśpierymienty ŭ im, adkaznaść za dziaciej, reŭnaść, načakanyja źmieny ŭ seksualnaj aryjentacyi, spraŭdnyja luboŭ i siabroŭstva. Navat kali tematyka stužki nie zakranie, možna palubavacca na vydatny akciorski skład — pryhožych francužanak.
Film, viadoma, rekamiendavany tolki darosłym (rejtynh 16+).