Supracoŭnica hrupy pa infarmacyi i kamunikacyi RUP "Biełtelekam"paviedamiła, što kampanija nia maje dačynieńnia da blakavańnia niekatorych biełaruskich sajtaŭ. "My nia majem dačynieńnia da prablemaŭ z prahladam niekatorych niezaležnych sajtaŭ", — zajaviła Maryja Stalarova. Jana miarkuje, što ŭ hetych sajtaŭ mohuć być prablemy z chostynham, paviedamlaje telegraf.by
"My nia možam "ściskać" kanał dostupu dla sajtaŭ, jakija nia majuć u nas chostynhu”, — zajaviła Maryja Stalarova i parekamnedavała administrataram sajtaŭ źviartacca da pravajderaŭ nakont uźnikłych prablem. Pry hetym jana dadała, što technična niemahčyma pierapynić dostup da sajtaŭ.
Nahadajem, što ad ranicy ŭskładnieny dostup biełaruskim čytačam da papularnych sajtaŭ «Chartyja-97», «Radyjo Svaboda» i «Biełorusskij partizan» i LJ.
Kanał dostupu da hetych resursaŭ mocna zavužany, tamu, choć vyhladaje, što sajt dastupny j zahružajecca, adnak zahruzka abo spyniajecca, abo idzie nadzvyčaj doŭha, što robić atrymańnie infarmacyi ciažkim abo niemahčymym zaniatkam.
telegraf.by
