U červieni hetaha hoda Biełaruś maje namier naviedać kiraŭnik Ruskaj pravasłaŭnaj carkvy (RPC) patryjarch Kirył, paviedamiŭ mitrapalit Minski i Zasłaŭski Pavieł, patryjaršy ekzarch usiaje Biełarusi, na pres-kanfierencyi ŭ Minsku 20 studzienia.
pravmir.ru
Pavodle jaho słoŭ, vizit patryjarcha budzie źviazany sa śviatkavańniem 1000-hodździa z dnia śmierci śviatoha roŭnaapostalnaha kniazia Uładzimira. «Nie dnia naradžeńnia, a śmierci — heta śviata. Dziŭna, ale naturalna, tamu što my vierym, što śviaty roŭnaapostalny kniaź Uładzimir znachodzicca ŭ Carstvie Božym, tamu my śviatkujem hetu padzieju», — patłumačyŭ mitrapalit.
Miarkujecca, što vizit Kiryła adbudziecca 20—22 červienia. «Čamu pa časie tak? U najśviaciejšaha taksama svaje płany, svoj hrafik, tamu dla jaho hety čas bolš spryjalny. Budziem spadziavacca, što hrafik nie źmieścicca, i rychtujemsia da hetaha», — skazaŭ kiraŭnik BPC.