Fota blog.atlantm.com.
Člen kamiteta Dziarždumy pa biaśpiecy i supraćdziejańni karupcyi Illa Kastunoŭ nakiravaŭ zapyt u Minkamsuviazi Rasii: čamu sistemu elektronnaj pierapiski hramadzian ź dziaržviedamstvami «Pošta Rasiei» zamoviła zamiežnym raspracoŭnikam?
Prajekt internet-servisu maje dazvolić rasiejcam atrymlivać jurydyčna značnyja elektronnyja paviedamleńni ad dziaržorhanaŭ.
«Pa sutnaści, amierykanskaja i brytanskaja kampanii atrymajuć dostup da infrastruktury elektronnaha ŭrada», — zajaviŭ rasijskaj haziecie «Iźviestija» Kastunoŭ.
«Pošta Rasii» zamoviła raspracoŭku «Elektronnaj paštovaj sistemy» TAA «Epam Sistemz», jakoje pracuje ŭ biełaruskim Parku vysokich technałohij. Košt rabot składaje 18,3 miljona rubloŭ — heta kala 300 tys. dalaraŭ. Uładalniki «Epam Sistemz» — Epam Systems Ltd (Kipr) i Epam Systems Inc (ZŠA).
Kantrakt na 18,8 młn rubloŭ na raspracoŭku «Servisu elektronnych zakaznych listoŭ infarmacyjnaj sistemy «Elektronnaja paštovaja sistema» atrymała TAA «Luksoft Prafiešnł». Uładalniki jaho mieściacca na Kipry i ŭ Vialikabrytanii. Heta Luxoft International Company Ltd (Kipr) i Luxoft UK Ltd (Vialikabrytanija).
Kastunoŭ vystupaje za toje, kab prahramnaje zabieśpiačeńnie vyrablałasia rasijskimi prahramistami, a nie kampanijami, jakija znachodziacca pad zamiežnym kantrolem.
