Adkryty list
My vykazvajem hłybokuju zaniepakojenaść situacyjaj vakoł vybaraŭ novaha rektara Jeŭrapiejskaha humanitarnaha ŭniviersiteta (EHU).
Hałoŭnymi pryčynami praciahłaha sistemnaha kryzisu źjaŭlajucca likvidacyja akademičnaha samakiravańnia i stvareńnie zakrytaj aŭtarytarnaj sistemy administravańnia. Klučavyja dla losu ŭniviersiteta rašeńni prymajucca biez udziełu vykładčykaŭ, studentaŭ i inšych stejkchołdaraŭ.
Praces vybaru novaha rektara — paasobnaja prajava ahulnaj prablemy. Pa ŭsich asnoŭnych paramietrach jon nie adpaviadaje ahulnapryniatym praceduram anałahičnych konkursaŭ.
1. Praces zapuščany biez zaćvierdžanaha pałažeńnia ab konkursie na pazicyju rektara. Praviły i pracedury vybaraŭ da hetaha času nie viadomyja navat samim kandydatam. Heta daje Adboračnaj kamisii šyrokija mahčymaści dla pryniaćcia valuntarysckich rašeńniaŭ i biurakratyčnych impravizacyj.
2. Kiroŭnaja rada nie ŭklučyła ŭ skład kamisii pradstaŭnikoŭ studentaŭ i vykładčykaŭ, niahledziačy na ich nieadnarazovyja zakonnyja patrabavańni. U kamisiju nie byŭ zaprošany nivodny źniešni mižnarodny ekśpiert. Niama ŭ joj i nivodnaha biełarusa. Heta pieratvaraje adkryty mižnarodny konkurs u zakrytaje karparatyŭnaje pryznačeńnie pažadanaha kandydata, zacikaŭlenaha ŭ zachavańni isnujučaj sistemy kiravańnia.
3. Praces vybaru rektara ažyćciaŭlajecca ŭ režymie infarmacyjnaj izalacyi. Ni akademičnaja supolnaść EHU, ni hramadzianskaja supolnaść Biełarusi, ni mižnarodnaja hramadskaść nie majuć infarmacyi ab vynikach etapaŭ abmierkavańnia kandydataŭ i ahulnaj chady vybaraŭ. Heta vyvodzić vybarny praces z-pad kantrolu stejkchołdaraŭ i hramadskaj dumki.
Takoje stanovišča vyklikaje surjoznyja sumnievy ŭ tym, što rašeńnie Adboračnaj kamisii budzie ŭzvažanym i spraviadlivym.
My hłyboka pierakananyja, što univiersiteckaja aŭtanomija źjaŭlajecca biezumoŭnaj kaštoŭnaściu i adnym z bazavych pryncypaŭ jeŭrapiejskaj prastory vyšejšaj adukacyi. Ale jana nie admianiaje padspravazdačnaści hramadstvu, akademičnaj supolnaści, donaram, palityčnym partnioram i inšym stejkchołdaram, jakija ŭziali na siabie adkaznaść za los hetaha prajektu.
My vykazvajem niedavier Adboračnaj kamisii, lehitymnaści i spraviadlivaści biahučaha adboru.
My źviartajemsia da Vas z prośbaj vykarystać Vaš aŭtarytet, kab pryvieści konkurs na pasadu rektara EHU ŭ adpaviednaść mižnarodnym standartam. Ličym nieabchodnym stvaryć novuju reprezientatyŭnuju Adboračnuju kamisiju i pravieści sapraŭdy prazrysty i spraviadlivy konkursny adbor.
Śviatłana Aleksijevič, piśmieńnica
Siarhiej Antusievič, namieśnik staršyni Biełaruskaha kanhresu demakratyčnych prafsajuzaŭ
Uładzimir Arłoŭ, piśmieńnik, historyk
Aleś Bialacki, pravaabaronca
Taćciana Vadałažskaja, kaardynatarka «Latučaha univiersiteta»
Jaŭhien Vapa, staršynia Biełaruskaha sajuza ŭ Polščy, dyrektar Radyjo «Racyja»
Andrej Vardamacki, prafiesar, doktar sacyjałahičnych navuk
Vital Vasilkoŭ, staršynia Rady Mahileŭskaha hramadskaha centra «Koła»
Iryna Vidanava, miedyjamieniedžar
Lavon Volski, śpiavak
Uład Vialička, dyrektar Mižnarodnaha kansorcyjuma «JeŭraBiełaruś»
Tadevuš Havin, hanarovy staršynia Sajuza palakaŭ Biełarusi, doktar humanitarnych navuk
Ludmiła Hraznova, Staršynia hramadskaha abjadnańnia «Pravaabarončy aljans», kandydat ekanamičnych navuk
Aleh Hułak, staršynia Biełaruskaha Chielsinskaha kamiteta
Viktar Dašuk, kinarežysior
Andrej Dyńko, redaktar NN.BY / «Naša Niva»
Siarhiej Zakońnikaŭ, paet
Jan Zaprudnik, doktar histaryčnych navuk, Biełaruski instytut navuki i mastactva, Ńju Jork
Aleś Zarambiuk, sudyrektar Biełaruskaha domu ŭ Varšavie
Siarhiej Isakaŭ, kinarežysior
Śviatłana Kalinkina, šef-redaktar haziety «Narodnaja vola»
Alaksandr Kłaskoŭski, palityčny ahladalnik, kiraŭnik analityčnych prajektaŭ ahienctva BiełaPAN
Andrej Klimaŭ, biznesoviec, były palitviazień
Jarasłaŭ Kryvoj, redaktar Journal of Belarusian Studies, dyrektar Ostrogorski Center, doktar prava
Mikoła Kupava, mastak
Alaksiej Łastoŭski, kaardynatar adździaleńnia historyi Biełaruskaha Kalehiuma, kandydat sacyjałahičnych navuk
Žanna Litvina, staršynia Biełaruskaj asacyjacyi žurnalistaŭ
Alena Makoŭskaja, kaardynatarka kampanii «Budźma biełarusami»
Uładzimir Mackievič, kiraŭnik Rady mižnarodnaha kansorcyuma «JeŭraBiełaruś»
Dzianis Mieljancoŭ, staršy analityk Biełaruskaha instytuta stratehičnych daśledvańniaŭ
Uładzimir Niaklajeŭ, paet, lidar kampanii «Havary praŭdu»
Michaił Pastuchoŭ, prafiesar, doktar jurydyčnych navuk, były sudździa Kanstytucyjnaha sudu Biełarusi
Alaksiej Pikulik, akademičny dyrektar Biełaruskaha instytuta stratehičnych daśledvańniaŭ
Barys Piatrovič (Sačanka), staršynia Sajuza biełaruskich piśmieńnikaŭ
Pavieł Sieviaryniec, custaršynia arhkamiteta Biełaruskaj chryścijanskaj demakratyi
Julija Słuckaja, kiraŭnica Biuro salidarnaści ź Biełaruśsiu (Varšava)
Aleś Smalančuk, historyk, prafiesar Instytuta słavistyki Polskaj akademii navuk, Varšava
Alaksandr Starykievič, redaktar haziety «Salidarnaść»
Volha Stužynskaja, dyrektar «Ofisa za demakratyčnuju Biełaruś», Brusiel
Stanisłaŭ Sudnik, redaktar haziety «Naša słova»
Alaksandr Tamkovič, žurnalist
Aleh Trusaŭ, staršynia Tavarystva biełaruskaj movy
Andrej Fiodaraŭ, kandydat fizika-matematyčnych navuk
Uładzimir Chalip, kinadramaturh
Jury Chaščavacki, kinarežysior
Nina Šydłoŭskaja, staršyni Rady Zhurtavańnia biełarusaŭ śvietu «Baćkaŭščyna»
Alaksiej Janukievič, staršynia Partyi BNF
