Staršynia Biełaruskaj fiederacyi handboła Uładzimir Kanaploŭ krytyčna adazvaŭsia pra zamiežnych trenieraŭ, jakija pracavali ź biełaruskimi kłubami, zaŭvažyŭšy, što jany nie davali raźvivacca biełaruskim hulcam.
«Kali Miaškoŭ sabraŭ kaściak zbornaj u BHK paśla razvału «Dynama», ja byŭ rady. Ja nie duža niervavaŭsia, što «Dynama» nie stała: za našy hrošy tam padymali ŭzrovień zamiežnych hulcoŭ. Skažu prosta: zamiežnyja treniery, jakija pracavali z našymi kłubami, — vorahi naroda. Chiba što Biabieška, jaki havaryŭ z nami na adnoj movie, byŭ vyklučeńniem.
BHK — heta ŭžo nie biełaruski kłub. I biełarusy, jakija ŭ im hulajuć, užo zhublenyja: Šumak, Baranaŭ, Šyłovič… Lepiej chaj jany hulajuć u «Mašeku», u «Kronanie», kali nie ciahnuć suśvietny ŭzrovień. Tak, Dzianis Rutenka prabiŭsia. A chto jašče prabiŭsia? Šyłovič jak byŭ adnatypnym hulcom, tak i zastaŭsia. Ja ŭ svaje 60 hadoŭ baču, kudy jon budzie kidać», — cytuje Kanaplova «Priessboł».
