Paŭnočny ŭschod ZŠA rychtujecca da sustrečy sa śniežnaj buraj, jakaja, pa słovach mera Ńju-Jorka Biła de Błazi, moža stać»samaj mocnaj u historyi hetaha horada».
Sinoptyki prahnazujuć, što ŭ bližejšyja dva dni ŭ niekatorych rajonach Ńju-Jorka, Ńju-Džersi, Kanektykuta, Piensilvanii, Masačusetsa i Mena moža vypaści da 1,5 m śniehu.
De Błazi, jak i naležyć u takich vypadkach, zaklikaŭ žycharoŭ Ńju-Jorka nie karystacca asabistym aŭtatranspartam i bieź nieabchodnaści nie vychodzić na vulicu.
Paśla takoha papiaredžańnia ŭ haradskich kramach za viečar litaralna apuścieli palicy. Asablivaj papularnaściu karystalisia pradukty charčavańnia, lichtaryki i batarejki, pakolki pieraboi z elektryčnaściu ŭ vyniku śniežnych bur praktyčna niepaźbiežnyja.
Pa prahnozach, cykłon adstupić tolki ŭviečary 27 studzienia.
Apošni rekordny śniehapad, jaki prynios 68 sm śniehu, prajšoŭ u Ńju-Jorku ŭ lutym 2006 hoda. Śniehapad minułaha hoda da rekordu nie daciahnuŭ, ale kaštavaŭ žyćcia pa mienšaj miery 10 žycharam horada.
