Sajt Quora pravioŭ daśledavańnie i spytaŭ ludziej, jakim užo za 50, jakija praviły jany b paraili vykonvać 30-hadovym, kab heta akazałasia karysna ŭ budučyni. Adkazy byli vielmi prostymi, ale pry hetym vielmi pravilnymi i mudrymi.
1. Kidajcie kuryć.
«Kali b vy mahli bačyć mianie ciapier, ja b apuściłasia na svaje biednyja, rypučyja kaleni i paprasiła b kinuć kuryć», — piša adna z karystalnic. Nie, praŭda, heta doraha, niepryjemna pachnie i sa 100%-naj harantyjaj vykliča prablemy sa zdaroŭjem. Moža, para ŭžo zaviazać?
2. Padtrymlivajcie (abo adnavicie) dobryja adnosiny z baćkami, bratami i siostrami.
Navat kali vy ličycie, što ŭ vas vielmi niaprostyja adnosiny ź siamjoj i časam vy adno adnaho nienavidzicie — treba navučycca ładzić ź blizkimi. Siamiejnyja poviazi vielmi važnyja. U chutkim časie vy zrazumiejecie, što heta i jość samaje sapraŭdnaje bahaćcie.
pinterest.com
3. Karystajciesia soncaachoŭnym kremam.
Chočacie marščyny, suchuju i tonkuju skuru, siniaki ledź nie ad luboha dotyku? Tady idzicie na plaž i piačyciesia na soncy biez achoŭnaha kremu.
4. Zajmajciesia sportam. Heta sapraŭdy važna.
Viadzicie aktyŭny ład žyćcia ciapier, tady vy budziecie dastatkova aktyŭnymi i ŭ 50. Nie nabirajcie vahi. Rabicie fizičnyja praktykavańni. Trymajcie arhanizm i cieła ŭ normie.
pinterest.com
5. Pačnicie ekanomić hrošy. Navat kali tolki patrošački.
Tak, heta sumnaja, banalnaja i niecikavaja parada, ale heta sapraŭdy nieabchodna. U 30 hadoŭ u čałavieka amal zaŭsiody zastajecca trochi hrošaj, jakija možna adkłaści. Pačnicie ekanomić ciapier — i z časam atrymajecca zrabić z hetaha niadrennyja aščadžeńni.
6. Navučyciesia radavacca tamu, što majecie.
Ščaście maje značna bolšaje značeńnie, čym słava abo pośpiech. Zamiest skarhaŭ navučyciesia radavacca tamu, što ŭ vas jość, i vy adčujecie siabie pa-sapraŭdnamu ščaślivym čałaviekam.
7. Nie adkładajcie dasiahnieńnie žyćciovych met na potym.
Chočacie kupić chatu? Napisać knihu? Atrymać navukovuju stupień abo druhuju vyšejšuju adukacyju? Źmianić karjeru? Asvoić novy muzyčny instrumient? Zapuścić biźnies i pracavać na siabie? Tady pačnicie siońnia. Nie kažycie, što vy pačniecie heta niekali. Čas, sapraŭdy, paśla tryccaci ściśniecca i paskorycca.
8. Vysypajciesia.
Śpicie dastatkova. Kładziciesia i ustavajcie ŭ adzin i toj ža čas. Pieramažycie biassońnicu.
favim.com
9. Dbajcie pra zuby.
Z uzrostam prablem z zubami stanovicca bolš. Lačeńnie adymaje ŭsio bolš času i hrošaj. Tamu nie treba ciahnuć ź lačeńniem, pakul umiašańnie doktara nie stanie prosta nieabchodnym.
10. Źbirajcie ŭspaminy, a nie rečy.
Vy — heta vaš žyćciovy vopyt. Vielmi sumna pračnucca ŭ 50 i zrazumieć, što, akramia materyjalnych dabrotaŭ, vy nie nazapasili ničoha. Uspaminy nielha vykinuć, i jany nikoli nie abiasceniacca.
11. Navučyciesia addavać.
Rabicie dobryja ŭčynki. Davajcie inšym toje, što prynosić im radaść. Ale rabicie heta z dušoj i ad usiaho serca. Nie čakajcie ničoha naŭzamien. Tady i vaša serca napoŭnicca luboŭju.
12. Budźcie cikaŭnyja. Časam rabicie niečakanaje i niezvyčajnaje.
Vyjdzicie z chaty i zrabicie što-niebudź! Uviažyciesia ŭ pryhody. Fatahrafujcie. Dobryja ŭspaminy buduć hreć vas i ŭ staraści.
13. Pierastańcie ŭžyvać paskudstvy.
Za ŭsio svajo žyćcio vy možacie zarabić kolki zaŭhodna hrošaj i patracić ich na što zaŭhodna. Ale zdaroŭje kupić nie atrymajecca. Lepš admoŭciesia ad fast-fudu, ałkaholu i inšaj dreni prosta ciapier.
14. Čytajcie chacia b pa adnoj knizie ŭ miesiac.
Vašamu mozhu ŭvieś čas treba raźvivacca, tamu pierastańcie marnavać čas na telesieryjały i videahulni i pačytajcie dobruju knihu.
15. Padarožničajcie. Jak maha bolš.
Padarožžy mianiajuć nas. Jany adkazvajuć nam na mnohija pytańni. Jany natchniajuć. Jany prymušajuć pierastać bajacca. Padarožža — heta toje, što dapamoža vam adčuć siabie žyvym.
16. Maliciesia, marcie, refleksujcie abo miedytujcie.
Pačnicie heta rabić, i źmieny ŭ vašym žyćci buduć dziŭnymi. I jość mnostva navukovych daśledavańniaŭ, jakija paćviardžajuć heta.
17. Budźcie saboj. Pierastańcie paraŭnoŭvać siabie z kim-niebudź.
Paviercie, kali vam budzie 50, vam budzie absalutna ŭsio roŭna, jakoje ŭražańnie vy robicie na navakolnych. Pačnicie svoj šlach. Stańcie mocnymi.
18. Viadzicie dziońnik.
Vy zabudzieciesia bolšaść vašych kaštoŭnych uspaminaŭ. Zapisvajcie ich choć čas ad času. I abaviazkova zachoŭvajcie fatahrafii.
19. Bieražycie svaich siabroŭ.
Trymajciesia za ludziej, jakija dapamahajuć vam adčuvać siabie lepš, jakija kidajuć vam vyklik svaim prykładam, jakija vam sapraŭdy padabajucca. Śmiejciesia razam ź imi. Zajmajciesia hłupstvam. Atrymlivajcie asałodu ad žyćcia.
I pasłuchajcie Kurta Voniehuta.
