Džek Ma. Fota: freshdialogues.com
Zasnavalnik i hałava rady dyrektaroŭ Alibaba padniaŭsia ŭ rejtynhu miljarderaŭ śvietu paśla taho, jak adno z padraździaleńniaŭ jaho kampanii, Zhejiang Ant Small & Micro Financial Services Group, było acenienaje ŭ 50 młrd dalaraŭ. Heta padvysiła acenku jaho majomaści adrazu na 10 młrd dalaraŭ. Padraździaleńnie raspracoŭvaje płaciožnuju sistemu Alipay (anałah PayPal), Ma vałodaje pałovaj kampanii.
Z 35 młrd majomaści Ma vyjšaŭ na 13 miesca ŭ rejtynhu miljarderaŭ i abahnaŭ zasnavalnika Facebook dy samaha maładoha miljardera Marka Cukierbierha.
Alibaba Group viadzie biźnies internet-handlu jak miž kampanijami (Alibaba.com), tak i ŭ śfiery roźničnych prodažaŭ (AliExpress.com). Sumarny košt hrupy aceńvajecca ŭ 231 młrd dalaraŭ.
Samym bahatym čałaviekam płaniety zastajecca zasnavalnik Microsoft Bił Hiejts. Na jaho rachunku 83 młrd dalaraŭ.
