Videa: Wall Street Journal
NASA i partniory stvorać zond, jaki trapić na arbitu Jupitara, a adtul — na arbitu Jeŭropy. Ale nie budzie vysadžvacca na samim spadarožniku praz mahčymuju niebiaśpiečnuju radyjacyju. Zond budzie zapuščany ŭ druhoj pałovie 2020 hoda, na prahramu budzie vydatkavana 225 młn dalaraŭ.
Jeŭropa pa pamiery blizkaja da Miesiaca, ale na joj moža być u try razy bolš vady za Ziamlu. Takuju vysnovu navukoŭcy ŭ 90-ch hadach zrabili pavodle nazirańniaŭ kaśmičnaha aparatu Galileo. Niadaŭnija nazirańni pakazvajuć, što vada pad lodam Jeŭropy moža mieć suviaź z atmaśfieraj.
Ad 90-ch hadoŭ Jeŭropa ličycca adnym z hałoŭnych kandydataŭ na najaŭnaść žyćcia pa-za Ziamloj.
Kałanisty na Jeŭropie. Kadr ź filma «Padarožniki»
Umovy, padobnyja da Jeŭropy, jość i na Ziamli. Navukoŭcy šukajuć ślady žyćcia ŭ padlodnym voziery Uschod u Antarktydzie. Ličycca, što žyćcio moža isnavać navat na hłybini bolš za 3 kiłamietry pry tempieratury na 2-3 hradusy nižej za nul i cisku ŭ 400 raz vyšej za atmaśfierny.
