Ministr abarony Vialikabrytanii Majkł Fełan vykazaŭ zaniepakojenaść tym, što rasijskija vajennyja płaniroŭščyki vierahodna «źnizili paroh» na vykarystańnie jadziernaj zbroi.
Pra heta Fełłon zajaviŭ u kamientary Reuters.
Pavodle jaho, u adkaz na madernizacyju Rasijaj svajoj jadziernaj mocy Vialikabrytanija pavinna adnavić svoj patencyjał jadziernaha strymlivańnia.
Havoračy ab mahčymaści pastaŭki zbroi va Ukrainu, kiraŭnik Minabarony Brytanii krytyčna pastaviŭsia da takoj idei. «Pastaŭki zbroi va Ukrainu tolki pryviaduć da eskałacyi kanfliktu», — adznačyŭ jon.
«Vialikabrytanija padtrymlivaje novy etap dziejnaści lidaraŭ Hiermanii i Francyi, nakiravany na spynieńnie kanfliktu na ŭschodzie Ukrainy», — dadaŭ ministr.
Adnak, pavodle jaho słoŭ, terytoryja, zachoplenaja sieparatystami paśla padpisańnia Minskaha pratakołu, «ni ŭ jakim vypadku» nie pavinna być pryznanaja, navat kali budzie dasiahnutaja damoŭlenaść ab novym pieramirji.
Nahadajem, u studzieni źniščalniki karaleŭskich VPS Brytanii Eurofighter Typhoon padnialisia na pierachop dvuch rasiejskich bambardziroŭščykaŭ.
Paviedamlałasia, što adzin ź ich — bambardziroŭščyk Tu-95 — vierahodna, nios jadziernuju zbroju na borcie.
