Morninh Hłory ŭ 2011 hodzie. Fota SK Touristik GmbH
Termalnaja krynica Morninh Hłory (albo voziera Ranišniaha Źziańnia) ŭ Nacyjanalnym parku Jełaŭstoŭn (ZŠA) stała papularnaj mišeńniu dla «manietak kab viarnucca». Taksama ŭ voziera z ruk turystaŭ traplała i prosta śmiećcie, i kamiani.
Praz manietki i kamiani niekali błakitnaje voziera źmianiła koler na žoŭta-zialony — ślady prybyvańnia turystaŭ častkova zabłakavali termalnuju krynicu i źmianili tempieraturu voziera.
Razam z tempieraturaj źmianiłasia i nasielnictva Morninh Hłory — raniejšyja mikraarhanizmy ŭžo nie vynosili novych umoŭ, zatoje pryjšli bolš adaptavanyja pad novuju tempieraturu arhanizmy.
Novyja mikraarhanizmy ŭtvaryli cyjanabakteryjalnyja maty — intehravanyja supolnaści, u kožnaj ź jakoj jość «ulubionaja» tempieratura. Takim čynam voziera atrymała kalarovuju palitru.
Navukoŭcy z ZŠA i Hiermanii stvaryli matematyčnuju madel, što apisvaje koler Morninh Hłory u zaležnaści ad tempieratury, ich rabota apublikavanaja ŭ časopisie Applied Optics. Hetaje daśledavańnie dapamoža bijołaham adšukać u voziery bakteryi, prydatnyja da ŭžyvańnia ŭ farmakałohii, a enzim, što bakteryi vypracoŭvajuć, dapamoža ŭ bijaenierhietycy, a toje i adkazać na niekalki pytańniaŭ pa ŭźniknieńni žyćcia na Ziamli.
