Reuters.com
U Marseli (Francyja) nieviadomyja abstralali palicejskich z aŭtamataŭ Kałašnikava. Palicejski śpiecnaz ciapier znachodzicca na miescy zdareńnia.
Francuzskija ŚMI taksama adznačajuć, što incydent adbyŭsia napiaredadni vizitu ŭ Marsel premjer-ministra Francyi Manuela Valsa.
Miascovyja žychary paviedamili ab strełach u pavietra z aŭtamataŭ Kałašnikava, adznačaje TheLocal.FR.
«Ludzi, uzbrojenyja aŭtamatami Kałašnikava, stralali ŭ kirunku palicejskaha aŭtamabila», — cytuje Reuters słovy pradstaŭnika departamienta Buš-dziu-Ron.
Niama taksama dakładnaj infarmacyi, u jakim kirunku viałasia stralba i kolki było ŭzbrojenych ludziej. Roznyja francuzskija ŚMI paviedamlajuć pra toje, što ŭzbrojenych ludziej było ad 5 da 10.
Žurnalisty taksama ŭkazvajuć na toj fakt, što stralba ŭ Marseli razdałasia za niekalki hadzin da vizitu ŭ horad premjera Francyi Manuela Valsa. Jaho vizit byŭ źviazany jak raz z tym, što miascovyja ŭłady pavinny byli paviedamić ab źnižeńni złačynnaści ŭ rehijonie.
