Hrodna staŭ pabracimam rasijskaha Tambova, paviedamili ŭ adździele ideałahičnaj raboty, kultury i pa spravach moładzi Hrodzienskaha harvykankama.
Dahavor ab ustanaŭleńni pabracimskich suviaziej padpisany na minułym tydni ŭ čas vizitu ŭ Tamboŭ delehacyi kiraŭnictva Hrodzienskaha harvykankama. Mer Hrodna Miečysłaŭ Hoj i kiraŭnik horada Tambova Alaksiej Kandraćjeŭ padpisali taksama pratakoł realizacyi dahavora na praciahu 2015-2016 hadoŭ.
Ustanaŭleńnie pabracimskich adnosin abodva baki razhladajuć jak asnovu dla plonnaha supracoŭnictva ŭ handlova-ekanamičnaj, humanitarnaj śfierach. Dakumient praduhledžvaje raźvićcio handlovaha i ekanamičnaha ŭzajemadziejańnia, supracoŭnictva ŭ śfiery kamunalnaj haspadarki, uzajemadziejańnia pa pytańniach navukova-techničnaha charaktaru, a taksama ŭ halinie turyzmu, fizičnaj kultury, adukacyi, achovy zdaroŭja i kultury.
U Tambovie adbyłasia sustreča hrodzienskaj delehacyi z kiraŭnictvam miascovaj administracyi. Hrodziency aznajomilisia z patencyjałam rasijskaha abłasnoha centra, praviali prezientacyju svajho biźnies-patencyjału ŭ Tamboŭskaj abłasnoj handlova-pramysłovaj pałacie.
Zapłanavany vizit u adkaz delehacyi Tambova ŭ Hrodna (u pieršaj pałavinie maja biahučaha hoda), da jakoha baki padrychtujuć kankretnyja prapanovy pa supracoŭnictvie.
Hrodna maje pabracimskija suviazi z 12 haradami abo haradskimi akruhami, upravami (ź ich 6 u Rasijskaj Fiederacyi). Jašče z čatyrma haradami, u tym liku rasijskaj Vołahdaj, zaklučany dahavory ab supracoŭnictvie. Hrodna taksama źjaŭlajecca členam Mižnarodnaj asamblei stalic i bujnych haradoŭ, padtrymlivaje družalubnyja suviazi z horadam Kalininhradam (Rasijskaja Fiederacyja), Sajuzam bałtyjskich haradoŭ, polskim horadam Suvałki i inš.
