13 lutaha z 15:00 da 17:00 u paviljonie «Technałohii» na stendach Minskaj mižnarodnaj knižnaj vystavy-kirmašu ŭ «Biełekspa» (pr-t Pieramožcaŭ 14) adbudziecca sustreča z aŭtaram knihi «Artyleryja Niaśvižskaha zamka» Mikołaj Vołkavym. Na sustrečy z aŭtaram možna budzie padpisać śviežanabytuju knihu, a taksama nabyć i inšyja knihi vydaviectva pa najlepšych koštach.
U knizie razhladajecca historyja farmavańnia i raźvićcia artyleryi Niaśvižskaha zamka ŭ XVI—XVIII stst., a taksama prasočvajecca los niaśvižskich harmat u XIX—XX stst.
Kniha budzie karysnaja jak dla śpiecyjalistaŭ, tak i dla ŭsich, chto cikavicca historyjaj uzbrajeńnia Biełarusi pieryjadu Vialikaha Kniastva Litoŭskaha i Rečy Paspalitaj.
Mikoła Vołkaŭ – biełaruski historyk maładoj hienieracyi. Vypusknik histaryčnaha fakulteta BDU. Paśpiachova skončyŭ mahistarskija prahramy «Achova i interpretacyja historyka-kulturnaj spadčyny» ŭ EHU i «Mastactvaznaŭstva» ŭ Instytucie padrychtoŭki navukovych kadraŭ NAN Biełarusi. Zaraz pracuje małodšym navukovym supracoŭnikam u Instytucie historyi NAN Biełarusi, dzie rychtuje kandydackuju dysiertacyju. Za čas aktyŭnaj navukovaj dziejnaści prajšoŭ daśledčyja stažyroŭki ŭ Univiersitecie Marcina Lutera ŭ Chale (Hiermanija), Varšaŭskim univiersitecie (Polšča), Volnym univiersitecie Bierlina (Hiermanija), Vilniuskim univiersitecie (Litva). Asnoŭnaja śfiera navukovych intaresaŭ – historyja fartyfikacyj, artyleryi, vajennaj spravy, architektury i horadabudaŭnictva Vialikaha Kniastva Litoŭskaha ŭ pieryjad rańniaha Novaha času. Aŭtar šmatlikich publikacyj u navukovych vydańniach Biełarusi, Polščy, Rasii i Ukrainy.
Kniha vypuščana ŭ śviet vydaŭcom Andrejem Januškievičam. Bolšaść zdymkaŭ i ilustracyj knihi publikujecca ŭpieršyniu.
Z asobnymi raździełami i źmiestam vydańnia možna ŭžo siońnia aznajomicca na sajcie.
