Turystyčnaja kampanija «Miehapolis kurort» prystupiła da arhanizacyi turaŭ na terytoryi t.zv. samaabvieščanych Danieckaj i Łuhanskaj narodnych respublik. Saŭładalnik turfirmy Michaił Bieły paviedamiŭ, što nievialikija hrupy płanujecca adpraŭlać u karotkaterminovyja tury.
izvestia.ru
Ministr pa spravach siamji, moładzi, sportu i turyzmu «ŁNR» Stanisłaŭ Vinakuraŭ vystupiŭ suprać «biźniesu na kryvi». «Heta śmierci i ślozy, heta hora, ja nie čakaŭ, što takaja prapanova naohuł moža źjavicca, tym bolš ad maskoŭskich kaleh», — padkreśliŭ jon. Pavodle jaho słoŭ, u «ŁNR» hatovyja pryniać rasiejcaŭ, ale nie dziela hrošaj. Vinakuraŭ taksama adznačyŭ, što ŭ «ŁNR» isnujuć płany pa raźvićci turyzmu ŭ mirny čas - naprykład, turystaŭ mohuć pryciahnuć staradaŭnija chramavyja kompleksy.
Bieły nazvaŭ umovy tura ŭ Navarosiju — čatyrochdzionnaja pajezdka abydziecca ŭ $2-3 tys. Turysty buduć pieramiaščacca ŭ braniavanym aŭtamabili, u jakim z kamfortam mohuć źmiaścicca piać-siem čałaviek. Pierad adpraŭkaj u Navarosiju turysty pavinny buduć padpisać dakumienty, jakija zdymajuć adkaznaść z turahienctva. Kiroŭca i hid buduć miascovymi žycharami, hrupu buduć supravadžać pradstaŭniki achoŭnaha ahienctva.
Pradstaŭnik turfirmy udakładniŭ, što maršrut budzie farmiravacca z ulikam pažadańniaŭ turystaŭ. Pavodle jaho słoŭ, ciapier užo jość 10 čałaviek, jakija vyrašyli skarystacca dadzienaj prapanovaj, — hetyja ludzi ŭžo byli klijentami kampanii, ich znajšli pa klijenckich śpisach.
Staršynia Narodnaha savieta «DNR» Andrej Purhin spakojna adreahavaŭ na navinu ab ekstremalnym tury. «Niachaj jeduć, pieraškadžać nie budziem, ale i dapamahać nam, ułasna, niama kali, vajna ŭ nas», — adznačyŭ jon.
