Biełaruski paŭabaronca Mikita Bukatkin zaklučyŭ hadavy kantrakt z uźbiekskim kłubam «Mašał» z Mubaraka.
Dvaccacišaścihadovy futbalist užo debiutavaŭ za svaju novuju kamandu i dapamoh joj vyjści ŭ paŭfinał uźbiekskaj lihi. U čverćfinale Lihi Uźbiekistana «Mašał» ź likam 2:0 abyhraŭ kłub «NBU-Azija». Bukatkin vyjšaŭ u asnoŭnym składzie svajho novaha kłuba i pravioŭ na poli piaćdziasiat chvilin. U čempijanacie Uźbiekistana «Mašał» zajmaje piataje miesca z 36 ačkami paśla 26 zhulanych matčaŭ.
Da pierajezdu va Uźbiekistan Mikita Bukatkin vystupaŭ tolki na radzimie, abaraniajučy kolery salihorskaha «Šachciora», navapołackaha «Naftana», «Minska» i babrujskaj «Biełšyny». Z kłubam z Navapołacka aporny paŭabaronca vyjhraŭ Kubak Biełarusi, a z «Šachcioram» bronzavyja miedali čempijanatu Biełarusi. Taksama hulec vystupaŭ u składzie maładziožnaj zbornaj Biełarusi.