Sud Centralnaha rajonu Miensku asudziŭ “maładafrontaŭca” Źmitra Chviedaruka na 15 sutak aryštu. Jaho abvinavacili ŭ niecenzurnaj łajancy.
Źmitra Chviedaruka zatrymali ŭčora viečaram amapaŭcy niedaloka ad budynku sudu Centralnaha rajonu, dzie adbyvalisia sudy nad zatrymanymi moładzievymi aktyvistami. Chviedaruka zapichali ŭ aŭtazak, pry hetym užyŭšy fizyčnuju siłu.
Nahadajem, što 12 śniežnia AMON mocna źbiŭ Źmitra Chviedaruka. Kala tydnia chłopiec pralažaŭ u bolnicy, daktary kanstatavali ŭ jaho strasieńnie mazhoŭ. Paśla hetaha ŭ chłopca značna pahoršyŭsia zrok.
Ciapier na Akreścina znachodzicca kala 40 čałaviek zatrymanych pierad akcyjaj 21 studzienia.
0
0
0
0
0
0
