Fota: Alaksandr Arsionaŭ, IT.TUT.BY
«Minsktrans» paviedamiŭ ab paŭtornym zapusku servisu «Virtualnaje tabło», dasiažnaha praz braŭzier z nastolnych kampjutaraŭ i smartfonaŭ. Dla vykarystańnia servisu ciapier patrebnaja rehistracyja z paznačeńniem elektronnaj pošty i ŭvodam «kapčy».
Na momant publikacyi servis dazvalaŭ rehistracyju, ale vydavaŭ pamyłku pa ŭvachodzie ŭ akaŭnt.
Na staroncy «Virtualnaha tabło» dahetul zachavałasia prypiska «Doślednaja ekspłuatacyja».
Servis «Virtualnaje tabło» pakazvaje miescaznachodžańnie haradskoha naziemnaha transpartu ŭ realnym časie. Jon byŭ zapuščany «Minsktransam» u mai 2014 hoda ŭ testavym režymie. Mieniej čym praź miesiac servis prypyniŭ pracu.
Pavodle aficyjnaj viersii, testavańnie servisu było zavieršanaje i jon byŭ zdadzieny na dapracoŭku. Pavodle inšaj viersii, «Minsktrans» nie zachacieŭ dzialicca dasiahnieńniami: da servisu atrymali dostup bakovyja raspracoŭščyki, jakija vypuścili zručnuju mabilnuju prahramu, što karystałasia źviestkami «Virtualnaha tabło» i tearetyčna mahła zarablać na rekłamie. Paviedamlałasia, što servis byŭ nie adklučany, a zabłakavany dla bolšaj častki karystalnikaŭ — niekatoryja vypadkova atrymlivali dostup da poŭnaha funkcyjanału.
Adznačałasia, što servis raspačaŭ pracu napiaredadni Čempijanatu śvietu pa chakiei i prypyniŭ u chutkim časie pa jaho zaviaršeńni.
