Partał marketing.by pradstaviŭ zroblenaje Gemius daśledavańnie sajtaŭ, na jakija mužčyny-biełarusy zachodziać značna čaściej za biełarusak. U rejtynh trapili nie mienavita biełaruskija sajty, a sajty, što naviedvali biełarusy ŭ śniežni 2014 hoda.
Top-20 sajtaŭ u Biełarusi pavodle doli mužčynskaj aŭdytoryi:
Samymi mužčynskimi sajtami stali ŭ asnoŭnym staronki pra sport, finansy, aŭto, telekamunikacyi i hadžety.
Top-20 uznačaliŭ biełaruski torent-trekier torrents.by — tam 89,9% aŭdytoryi skłali mužčyny. Siarod biełaruskich naviednikaŭ rasijskaha partału 4pda.ru, pryśviečanaha smartfonam i płanšetam, mužčyn było 85,27%. Biźnies-partał probusiness.by maje siarod aŭdytoryi 84,46% mužčyn.
Poł virtualnych tankistaŭ akazaŭsia nie takim adnaznačnym — sajt raspracoŭščykaŭ World of Tanks wargaming.net zaniaŭ tolki 9 miesca z 81,21% mužčyn u aŭdytoryi.
