Fota: venturebeat.com
«U nas jość rabočaja hrupa, i my budziem prapanoŭvać uradu niejkija pryłady dla taho, kab u niejkaj častcy manietyzavać pasłuhi Skype, Viber i inšych padobnych technałohij», — pieradaje BiełTA słovy Papkova.
Pa słovach ministra, źmianšeńnie prybytku apierataraŭ suviazi (u pryvatnaści «Biełtelekama») ad miesiendžaraŭ składaje 10-15%.
Padobnych da Skype miesiendžaraŭ ministr naličyŭ 11. Na jaho dumku, takija kampanii nie ŭkładajuć ani centa ŭ raźvićcio technałohij. Pa słovach Papkova, 1% karystalnikaŭ zajmaje 50% šyryni internet-šluzu praz prahlad videa, «tanki» (vierahodna, majucca na ŭvazie anłajn-hulni) i miesiendžary.
***
Na siońnia źniešni internet-šluz Biełarusi maje šyryniu 770 Hbit/s. Na kožnaha žychara Biełarusi prychodzicca 94,8 kbit/s. Na dolu źniešniaha trafiku prychodzicca 90% sumarnaha trafiku.
Skype, Viber i inšyja miesiendžary dazvalajuć nie tolki abmieńvacca paviedamleńniami. Praź ich možna ździajśniać biaspłatnyja aŭdyjo- i videavykliki miž karystalnikami miesiendžara, a taksama za nievialikuju płatu telefanavać praź internet na mabilnyja i stacyjanarnyja telefony pa ŭsim śviecie.
«Biełtelekam» maje ŭłasny Android-mesendžar «Maksifon», ale jaho ŭstalavali nie bolš za 5 tysiač raz, što daloka ad papularnaści Viber ci Skype.
Čytajcie taksama: U 2015 hodzie ŭ Biełarusi vyrastuć taryfy na suviaź i źjavicca 4G
