Hienieralny prakuror Biełarusi Alaksandr Kaniuk uziaŭ pad kantrol «matč-fantom» pamiž futbolnymi kłubami «Šachcior» (Salihorsk) i «Słuck». Pra heta jon zajaviŭ na pres-kanfierencyi 20 lutaha.
Tavaryskaja hulnia, jakoj na samaj spravie nie isnavała, nibyta prachodziła ŭ Pinsku. Infarmacyja pra jaje źjaviłasia ŭ internecie 3 lutaha. Zamiežnyja bukmiekierskija kantory prymali staŭki na matč i «tranślavali» jaho chod.
Hienprakuror «adrazu ŭhledzieŭ elemienty machlarstva». «Dziela spartyŭnaj cikavaści zajmusia. Kali tam elemienty machlarstva — heta maja kampietencyja. Tatalizatar praduhledžvaje peŭnyja vypłaty i h.d. Kali heta było zroblena, to elemient machlarstva znachodzicca ŭ Biełarusi», — kanstatavaŭ hienprakuror.
