Limitavanaja sieryja «Spadčyna» utrymlivaje pa 50 adzinak kožnaha z šaści varyjantaŭ mužčynskich hadzińnikaŭ. Ich prezientacyja prajšła 22 lutaha na «Dni rodnaj movy».
U chutkim časie hadzińniki, stvoranyja ŭ miežach prajekta Hay.by i vyrablenyja na zavodzie «Pramień», źjaviacca ŭ prodažy. Taksama stvaralniki abiacajuć vypuścić žanočy varyjant.
Hadzińniki ŭtrymlivajuć japonski miechanizm (jak kvarcavy, tak i z aŭtadavodam), jany zroblenyja ź nieržaviejučaj stali i naturalnaj skury.
«Kaliści ja pracavała na zavodzie — vykładała supracoŭnikam anhlijskuju movu. Sama zacikaviłasia temaj hadzińnikaŭ, historyjaj «Pramień». Ź siabrami pryjšli da idei zamović sieryju hadzińnikaŭ ź biełaruskim arnamientam», — raspaviała adna z udzielnic prajektu Vieranika Mazurkievič.
Hadzińniki buduć pradavacca na sajcie Hay.by, cana pakul nieviadomaja. Paralelna z kalekcyjaj «Spadčyna» prajekt Hay.by prapanuje sieryju hadzińnikaŭ «Maštoc» z matyvami staražytnaha armianskaha ałfavita.
Nahadajem, što 5 lutaha ab namiery stvaryć «vyšyvanyja hadzińniki» paviedamiła i kampanija «Hvilina» — dyzajn hadzińnikaŭ prapanavana abrać na sajcie «Mova Nanova». Ab suviazi z prajektam «Chviliny» Hay.by nie zajaŭlaje.
Samyja papularnyja dyzajny ŭ hałasavańni na momant publikacyi
