Prajekt novaj dyrektyvy ab mierach pa raźvićci pradprymalnickaj inicyjatyvy, tekst jakoj maje BiełaPAN, dapuskaje dziaržaŭnaje rehulavańnie cen «u fors-mažornych situacyjach».
Raspracoŭščykam prajekta narmatyŭna-pravavoha akta vystupaje Ministerstva ekanomiki.Dakumient praduhledžvaje stvareńnie roŭnych umoŭ viadzieńnia pradprymalnickaj dziejnaści i zabieśpiačeńnie «dalejšaha raźvićcia dobrasumlennaj kankurencyi subjektaŭ haspadarańnia niezaležna ad formy ŭłasnaści».
Dla vyrašeńnia hetaj zadačy prajekt dyrektyvy vyznačaje šerah mier. Raspracoŭščyki, u pryvatnaści, prapanoŭvajuć «vyklučyć nieabhruntavanaje ŭmiašańnie orhanaŭ dziaržaŭnaha kiravańnia ŭ praces cenaŭtvareńnia subjektaŭ pradprymalnickaj dziejnaści, za vyklučeńniem časovaha ŭviadzieńnia rehulavańnia ŭ fors-mažornych situacyjach».
Padrychtavany prajekt dyrektyvy «Ab dadatkovych mierach pa raźvićci pradprymalnickaj inicyjatyvy i stymulavańni dziełavoj inicyjatyvy» byŭ raspracavany pa daručeńni pieršaha vice-premjera Biełarusi Vasila Maciušeŭskaha.
Papiaredniaja viersija dakumienta z amal anałahičnaj nazvaj («Ab raźvićci pradprymalnickaj inicyjatyvy i stymulavańni dziełavoj aktyŭnaści ŭ Respublicy Biełaruś») była pryniataja ŭ kancy 2010 hoda. U dziełavych kołach jana viadomaja jak «dyrektyva ab libieralizacyi».
Dakumient čatyrochhadovaj daŭnaści praduhledžvaŭ zachavańnie dziaržaŭnaha rehulavańnia cen «tolki na pradukcyju arhanizacyj-manapalistaŭ i sacyjalna značnyja tavary (raboty, pasłuhi), što vyznačajuć žyćciovy ŭzrovień nasielnictva».
U novaj redakcyi dyrektyvy, raspracavanaj Minekanomiki, prysutničaje taksama zhadany vyšej punkt pra mahčymaje dziaržrehulavańnie cen «u fors-mažornych situacyjach».
