22 lutaha ŭ Biełarusi praciahvali śviatkavać Dzień rodnaj movy.
U druhoj pałovie dnia pa hałoŭnym telekanale Rasii puścili muzyčna-zabaŭlalnuju pieradaču «Adzin u adzin». Hvazdami pieradačy stali śpievy Alaksandra Rybaka i Rusłana Alachno. Pieramožca Jeŭrabačańnia Rybak vystupaŭ u vobrazie rasijskaha tro-ło-ło — Eduarda Chila.
A Rusłan Alachno vyjšaŭ adrazu paśla vobraza Chila ŭ vobrazie Rybaka sa skrypkaj dy praśpiavaŭ jahony pieramožny jeŭra śpieŭ.
Žury Rybaka i Alachno vielmi chvalili. A viadomy ŭ Rasii muž Puhačovaj Maksim Hałkin žartavaŭ na biełaruskuju temu. Uźnikła karacieńkaje abmierkavańnie moŭnaj śpiecyfiki, i Hałkin raptam zajaviŭ: «Biełorusskij etnolekt russkoho jazyka charaktierizujetsia tiem, čto v niem proiznosiat «dz» vmiesto «d». I tut ža Hałkin sparadziravaŭ Łukašenku, akcentujučy na hetych «dz». Usie rahatali z parodyi, z Łukašenki, z rodnaj movy.
Pieradača išła ŭ zapisie, i ŭ im navaśpiečanamu biełarusaznaŭcu Rybak i Alachno ničoha nie adkazali.
A ja ŭpieršyniu nie śmiajaŭsia z parodyi na Łukašenku. Bo heta była taksama parodyja z rodnaj movy, jakuju pieraapranuli ŭ prezidenckuju vopratku.
