Na jahonym miescy pabudujuć haścinična‑dziełavy centar. Adnačasova suśvietnyja sietki «Kiempinski» i «Chajat» prychodziać u Biełaruś.
Na miescy haścinicy «Biełaruś» u Minsku płanujecca ŭźvieści haścinična‑dziełavy centr. Prezientacyja hetaha prajekta adbyłasia siońnia ŭ Minskaj haradskoj ratušy ŭ čas aznajamleńnia prezidenta Biełarusi Alaksandra Łukašenki z hienieralnym płanam zabudovy praśpiekta Pieramožcaŭ.
Na dumku śpiecyjalistaŭ, ciapier ekspłuatacyja haścinicy «Biełaruś» małaefiektyŭnaja. Jaje ŭnutranyja pamiaškańni nie adpaviadajuć mižnarodnym patrabavańniam, a nievialikija haściničnyja numary nie dajuć mahčymaści rekanstrujavać budynak z metaj stvareńnia kamfortnych umoŭ. Akramia taho, niama mahčymaściej dla abstalavańnia hetaha budynka efiektyŭnaj sistemaj inžyniernaha zabieśpiačeńnia.
U suviazi z hetym minskija horadabudaŭniki prapanavali demanciravać isnujučy budynak haścinicy, a na jaje miescy pabudavać sučasny architekturny ansambl. «Žadajučyja ŭdzielničać u hetym inviestycyjnym prajekcie ŭžo jość. My płanujem, što budučy inviestar prafinansuje raschody na demantaž haścinicy «Biełaruś», — dałažyŭ prezidentu hałoŭny architektar Minska Viktar Nikicin.
Pavodle jaho słoŭ, płanujecca, što novy architekturny ansambl budzie ŭklučać piacizorkavy haściničny kompleks i dziełavy centr kłasa «A», jaki adpaviadaje ŭsim suśvietnym standartam. U skład kompleksu taksama ŭvojduć zabaŭlalny centr, basiejn, spartyŭnyja zbudavańni i inšyja abjekty.
Kompleks budzie składacca z troch viežaŭ, u dźviuch ź ich raźmieścicca haścinica, u treciaj — dziełavy centr. Vyšynia budynkaŭ składzie 40‑45 pavierchaŭ. Na vierchnich pavierchach raźmieściacca niekalki restaranaŭ z ahladnymi placoŭkami. Płanujecca taksama, što novy atel budzie asnaščany viertalotnaj placoŭkaj.
Taksama ŭ Minsku źjavicca supiersučasny akvapark, jaki raźmieścicca na terytoryi, prylehłaj da Drazdoŭskaha vadaschovišča pablizu skryžavańnia praśpiekta Pieramožcaŭ i MKAD. Akvapark budzie mieć ahulnuju płošču zvyš 14 tys.kv.m z chvalevym i hulniavym basiejnami, hulniavoj zonaj z horkami i roznymi ŭzroŭniami vyšynioj da 10 m, vadaspadam, vodnymi atrakcyjonami, basiejnam na adkrytym pavietry.
Aryjencirovačny košt abjekta składzie $45 młn. Zacikaŭlenaść u realizacyi prajekta ŭžo vykazali inviestary, jakija ŭkładvajuć srodki i ŭ inšyja prajekty ŭ Biełarusi.
Usiaho ŭ rajonie praspektu Pieramožcaŭ planujecca pabudavać ci rekanstrujavać 25 abjektaŭ.
Taksama ŭ najbližejšy čas pablizu Pałacu Respubliki praduhledžvajecca pačać budaŭnictva piacizorkavaha atela. Udzieł u jaho ŭźviadzieńni prymie viadomaja kampanija «Kiempinski».
Tady jak 8-paviarchovy «Chajat» paŭstanie kala Kamsamolskaha voziera.
Pavodle słoŭ Viktara Nikicina, zamiežnyja inviestary prajaŭlajuć vialikuju cikavaść da budaŭnictva roznych abjektaŭ u Minsku. Prapanovy pastupajuć z Abjadnanych Arabskich Emirataŭ, Amana, Katara, Siryi. «Usiaho ŭ nas kala 20 bujnych inviestprajektaŭ»
