Photo by Lina Dūdonienė
«Nadvorje budzie vyznačać pole panižanaha atmaśfiernaha cisku, a taksama adabjecca ŭpłyŭ małaaktyŭnych atmaśfiernych frantoŭ, jakija pieramiaščajucca z Zachodniaj Jeŭropy», — adznačyŭ sinoptyk.
U subotu, u apošni dzień zimy, čakajucca nočču i ranicaj u šmatlikich rajonach apadki, dniom miescami nievialikija karotkačasovyja apadki (mokry śnieh, doždž). U asobnych rajonach tuman. U načnyja hadziny miescami słaby hałalod, na darohach hałalodzica.
Tempieratura pavietra nočču minus 2 — plus 3°S, dniom plus 1—7°S.
U Minsku pachmurna z prajaśnieńniami. Nočču i ranicaj časam apadki (mokry śnieh, doždž), dniom bieź istotnych apadkaŭ. Słaby tuman. U načnyja hadziny na asobnych učastkach daroh hałalodzica. Viecier pieramiennych napramkaŭ 3—8 m/s. Tempieratura pavietra nočču 0 — plus 2°S, dniom plus 2—4°S.
U niadzielu, u pieršy viasnovy dzień, miescami pa krainie projduć karotkačasovyja apadki (doždž, mokry śnieh). Nočču i ranicaj u asobnych rajonach tuman, słaby hałalod, na darohach hałalodzica. Tempieratura pavietra nočču minus 3 — plus 3°S, dniom plus 2—7°S, pa poŭdni da plus 9°S.
U Minsku pachmurna z prajaśnieńniami. Mahčymyja karotkačasovyja apadki (doždž, mokry śnieh). Słaby tuman. U načnyja hadziny na asobnych učastkach daroh hałalodzica. Viecier pieramiennych napramkaŭ 3—8 m/s. Tempieratura pavietra nočču minus 1 — plus 1°S, dniom plus 3—5°S.
U pačatku tydnia terytoryja krainy budzie znachodzicca pad upłyvam atmaśfiernych frantoŭ, jakija pieramiaščajucca z Zachodniaj Jeŭropy.
U paniadziełak, 2 sakavika, časam apadki (mokry śnieh ź pierachodam u doždž). Nočču i ranicaj miescami tuman, słaby hałalod, na darohach hałalodzica. Tempieratura pavietra nočču minus 2 — plus 4°S, dniom plus 2—7°S, pa poŭdni miescami da plus 9°S.
