 Chrystas Purhurydes |
Specyjalny dakładčyk hetaha kamitetu pa Biełarusi, italjanski parlamentar Andrea Ryhoni pradstaviŭ svoj papiaredni dakład pra stanovišča ŭ krainie. Rychtujučy jaho, spadar Ryhoni ŭ kastryčniku 2007 hodu asabista naviedvaŭ Miensk. Pasiedžańnie było adkrytym dla luboha deputata Parlamenckaj asamblei, jaki cikavicca sytuacyjaj u Biełarusi. Takich nabrałasia kala 50 čałaviek.
U svaim vystupie spadar Ryhoni kazaŭ pra toje, što dyjaloh ź Biełaruśsiu patrebny, što baki pavinny vyznačać tyja momanty, jakija mohuć spryjać dyjalohu. I jaho treba praciahvać, niahledziačy na ŭsie składanaści.
Aficyjnaja biełaruskaja delehacyja ŭ składzie siabraŭ Nacyjanalnaha schodu Natalli Andrejčyk i Alaksandra Archipava nastojvała na tym, što ŭ krainie niama palityčnych viaźniaŭ. A tyja ludzi, jakija znachodziacca za kratami i jakich apazycyja nazyvaje palitźniavolenymi, nasamreč — zvyčajnyja parušalniki zakonu.
Viktar Karniajenka, jaki razam ź Vincukom Viačorkam pradstaŭlaje ŭ Strasbury palityčnuju apazycyju, kaža:
«Na žal, času było vielmi mała. I apazycyju abmiežavali adnym vystupam. Było skazana pra tendencyi, jakija prahladajucca z času vizytu spadara Ryhoni ŭ Biełaruś — tady my kazali, što isnujuć niejkija momanty, jakija abnadziejvajuć. Nia zruchi, a tolki momanty. Ciapier ža ŭsio źmianiłasia naadvarot, u horšy bok. Na heta my pieradusim i źviarnuli ŭvahu».
Viktar Karniajenka skazaŭ, što ŭ debatach vystupali siabry PARE z šerahu krainaŭ. U pryvatnaści, staršynia rasiejskaha dumskaha kamitetu ŭ mižnarodnych spravach spadar Kasačoŭ kazaŭ pra toje, što Biełarusi treba viarnuć jaje status specyjalnaha zaprošanaha ŭ Asambleju. Heta, na jaho dumku, dapamoža Biełarusi chutčej vyjści na šlach demakratyi. A izalacyja hetamu pieraškadžaje.
Samym emacyjnym i dakładnym, pavodle spadara Karniajenki, byŭ vystup Chrystasa Purhurydesa:
«Jon skazaŭ, što, na žal, ruchu napierad u Biełarusi niama, što heta samaja žorstkaja dyktatura ŭ Eŭropie. I što nia moža być dla Biełarusi nijakich druhich standartaŭ, jak tyja, što isnujuć va ŭsioj Eŭropie».
Palitolah, daradca Alaksandra Milinkieviča ŭ mižnarodnych pytańniach Alaksandar Łahviniec tak kamentuje apošnija naviny sa Strasburu:
«Mnie padajecca, što jość peŭnaje koła ludziej u Eŭropie, jakija ličać, što, pakolki biełaruskija demakratyčnyja siły nie takija ŭžo mocnyja, dyk lepš za ŭsio sprabavać damaŭlacca ź biełaruskimi ŭładami: šukać niejkija parazumieńni i naładžvać ekanamičnyja masty. U tym, što hetaja stratehija moža być paśpiachovaj u pracesie demakratyzacyi Biełarusi, ja vielmi mocna sumniajusia. Ale taki padychod isnuje».
Napiaredadni ŭ Strasbury abrali novaha kiraŭnika Parlamenckaj asamblei Rady Eŭropy. Im staŭ pradstaŭnik sacyjalistaŭ Hišpanii Luis Maryja de Piuih. Jon źmianiŭ Rene van der Lindena ź Niderlandaŭ.
