Telekanał TVC apublikavaŭ zapis z kamiery videanazirańnia, na jakim bačny momant zabojstva Barysa Niamcova. Palityka zastrelili pozna ŭviečary 27 lutaha na Vialikim Maskvareckim moście ŭ centry rasijskaj stalicy. Zabojcy padjechali da jaho na mašynie i strelili niekalki razoŭ.
Zapis zrobleny zdaloku vuličnaj kamieraj, jakaja zdymaje Vialiki Maskvarecki most. Jakaść zdymki nievysokaja, ale mašyny i siłuety ludziej na joj vidać.
U 23:30 dva čałavieki — jak śćviardžaje telekanał, Niamcoŭ i jaho spadarožnica — iduć u bok Bałotnaj płoščy pa moście.
«Pavolna ich nahaniaje śniehaŭboračnaja mašyna. U 23.31 kuzaŭ hruzavika chavaje ich ad kamiery. Praź siekundu jašče adzin čałaviek vybiahaje adtul na prajeznuju častku, chutka sadzicca ŭ aŭtamabil i źjazdžaje», — havorycca ŭ siužecie.
Paśla hetaha TVC apisvaje ruch ludziej na moście: dziaŭčyna, spačatku schavanaja za śniehaŭboračnaj mašynaj, potym razam z padbiehšymi minakam viartajecca da miesca zdareńnia. Pobač spyniajucca ludzi i mašyny, i ŭ 23:42 pryjazdžaje palicyja.
Zychodziačy z hetaha zapisu, žurnalisty vykazali zdahadku, što čałaviek, jaki stralaŭ u palityka, moh chavacca na leśvicy, jakaja viadzie pad most: jana znachodzicca ŭ hetym miescy.
Raniej Śledčy kamitet Rasii asudziŭ źjaŭleńnie dadzienych «ad niejkich krynic» i zaklikaŭ daviarać tolki dadzienych, što sychodziać ad ich viedamstva.
Na dumku SKR, śledčyja padzialilisia sa ŚMI dastatkovym abjomam infarmacyi.
